२०८३, कार्तिक २० गते
- यो साता चर्चामा :
सुर्खेत । नेकपा प्रचण्ड–माधव समूहका अध्यक्ष माधवकुमार नेपालले प्रधानमन्त्री केपी शर्मा ओलीलाई आजकै मितिबाट साधारण सदस्यतबाट निष्कासन गर्ने घोषणा गर्नुभएको छ ।
सुर्खेतको वीरेन्द्रनगरमा आज आयोजित आभसभालाई सम्बोधन गर्दै नेपालले ओलीलाई आजै कम्युनिष्ट पार्टीको साधारण सदस्यसमेत नरहने गरी निष्कासन गर्ने तयारी भइरहेको बताउनुभयो ।
नेपालले भने, ‘आज पार्टीबाट हटाउने अन्तिम चरणमा छौं । आजकै मितिबाट साधारण सदस्यबाट निष्कासन गर्न गइरहेका छौं । हामीले ३ दिनको स्पष्टीकरण मागेका थियौं तर चार दिनसम्म स्पष्टीकरण दिएनन् । उनले स्पष्टीकरण दिने हिम्मत पनि राख्दैनन् ।’
बालुवाटारमा लगेर सुरेन्द्र पाण्डेको टोलीले स्पष्टीकरणको पत्र बुझाएको तर ओलीमा जवाफ दिने आँट नभएको दावी नेपालले गर्नुभयो । उहाँले आजै चिठी लेखेर ओलीलाई साधारण सदस्यबाट निष्कासन गरिने बताउनुभयो ।
