२०८३, कार्तिक २० गते
- यो साता चर्चामा :
काठमाडौं । नेकपाको दाहाल–नेपाल समूहका अध्यक्ष पुष्पकमल दाहाल ‘प्रचण्ड’ पत्नी सीता दाहालको उपचारका लागि भारतको मुम्बई प्रस्थान गर्नुभएको छ ।
आज बिहान ११ बजेपछि उनी पत्नी सीतालाई लिएर मुम्बई प्रस्थान गर्नुभएको प्रचण्डको सचिवालयले जनाएको छ । उहाँहरूको साथमा छोरी गंगा दाहाल पनि त्यसतर्फ जानुभएको छ ।
सीता पार्किन्सन जस्तो देखिने प्रोग्रेसिभ सुपरान्युक्लियर पाल्सीबाट लामो समयदेखि पीडित हुनुहुन्छ । दुर्लभ मानिने यो रोग लागेपछि मष्तिष्कको कोषिकामा क्षति पुग्ने स्वास्थ्यकर्मीहरू बताउँछन् ।
सीताको यसअघि भारत, अमेरिका, सिंगापुरलगायत देशका अस्पतालमा उपचार गरिएको थियो ।
