काठमाडौं । प्रतिनिधिसभा विघटनविरुद्ध नेपाली कांग्रेसले घोषणा गरेको आन्दोलनमा सहभागी हुन सभापति शेरबहादुर देउवाले अपिल गर्नुभएको छ ।
आज एक विज्ञप्ति जारी गर्दै देउवाले आफ्नै प्रस्तावमा पार्टीले पुस १३ गते देशभर आन्दोलन गर्ने निर्णय गरेको जानकारी दिनुभयो । संसद् विघटनविरुद्ध कांग्रेस पार्टी एकमत रहेकोसमेत सभापति देउवाले स्पष्ट पार्नुभयो ।

विघटनकै दिन आफूले पार्टीका वर्तमान र पूर्वपदाधिकारीको बैठक आयोजना गरेर बैठकमार्फत संसद् विघटनलाई असंवैधानिक र अलोकतान्त्रिक ठहर गरेको देउवाको भनाइ छ ।

संविधानमा भएको ब्यवस्था प्रतिकुल, जनभावना विपरीतको कार्यविरुद्ध कांग्रेस सम्पूर्ण रूपले एकमत उभिएको देउवाले आज जारी गरेको अपिलमा उल्लेख गरिएको छ ।