काठमाडौं । सत्तारुढ नेपाल कम्युनिस्ट पार्टी (नेकपा) फुटको संघारमा पुगिसकेको छ । प्रधानमन्त्रीसमेत रहेका केपी शर्मा शर्मा ओली समूहको बालुवाटारमा भेला चलिरहेको छ । अधिकांश नेता आ–आफ्ना गुटमा लागिसकेका छन् । तर, उपाध्यक्ष वामदेव गौतम भने तटस्थ रहेको बताइरहेका छन् ।

यसैबीच, वामदेवलाई फकाउन प्रचण्डगुटका नेताहरु लागिपरेका छन् । नेकपाका वरिष्ठ नेताद्वय माधव नेपाल, झलनाथ खनाल, प्रवक्ता नारायणकाजी श्रेष्ठ अहिले ललितपुरको भैंसेपाटीस्थित वामदेव निवासमा पुगेको छन् ।

उनीहरुबीच बिहान १०ः२० बजेदेखि भेटवार्ता चलिरहेको छ । स्रोतका अनुसार वामदेवलाई आफ्नो पक्षमा उनीहरु लागिपरेका हुन् । अब वामदेव कता लाग्छन् त्यो भने हेर्न बाँकी छ ।

संसद् विघटनपछि ओलीले वामदेवलाई भेट्न पाएका छैनन् । नभेटेपछि फकाउने कुरा पनि भएन । त्यसैले वामदेवको पल्ला प्रचण्ड समूहमा पर्नसक्ने अनुमान कतिपय विश्लेषकले लगाएका छन् ।