२०८३, श्रावण ११ गते
- यो साता चर्चामा :
एजेन्सी । मास्क नलगाउने अडानबाट स्विडेनको सरकार पछि हटेको छ । सार्वजनिक गाडीमा यात्रा गर्दा मास्क लगाउन त्यहाँको सरकारले आफ्ना नागरिकलाई आग्रह गरेको छ ।
यसअघि मास्कको पक्षमा नरहेको स्विडिस सरकारले कोरोना भाइरस सङ्क्रमण बढ्दै गएपछि गाडीमा यात्रा गर्दा मास्क लगाउन अपिल गरेको बिबिसीले जनाएको छ ।
यस्तै, अन्य क्षेत्रमा पनि नयाँ नियम लागू हुने स्विडेन सरकारले जनाएको छ । प्रधानमन्त्री स्टेफन लोफ्भेनले नयाँ नियम चाँडै नै लागू हुने बताएका छन् ।
स्विडेनले अहिलेसम्म पूर्णरुपमा लकडाउन नगरे पनि सङ्क्रमण बढ्दै गएपछि केही कडाइ भने गरेको छ ।
यसअघि त्यहाँको सरकारले स्वास्थ्य संस्थाबाहेक अरु क्षेत्रमा मास्क प्रयोग गर्नु नपर्ने बताउँदै आएको थियो ।
