काठमाडौं । नेपाल कम्युनिष्ट पार्टी (नेकपा)भित्रको आन्तरिक विवाद उत्कर्षमा पुगिरहेको बेला कार्यकारी अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल पक्षले जिल्लास्तरीय नेताहरुलाई केन्द्र बोलाएको छ । उनीहरुलाई छलफलका लागि काठमाडौं बोलाइएको प्रचण्डनिकट स्रोतले जनाएको छ ।

आज प्रदेश –१ का १४ वटा जिल्लाका अध्यक्ष र सचिवहरु माओवादी केन्द्रको पुरानो कार्यालय पेरिसडाँडा पुग्नेछन् र त्यहाँ गुटको छलफल हुने बताइएको छ । छलफल करिब १ बजे सुरु हुनेछ ।

भेलामा पार्टीमा देखिएको आन्तरिक विवादको बारेमा स्पष्ट पार्नका लागि नेताहरुसँग छलफल गर्न लागिएको हो । सो भेलालाई अध्यक्ष प्रचण्ड, वरिष्ठ नेता नेपाल, झलनाथ खनाललगायतका नेताले सम्बोधन गर्ने बताइएको छ ।

संवैधानिक परिषद्सम्बन्धी सरकारले पछिल्लोपटक अध्यादेश ल्याएसँगै नेकपा विवाद झनै उत्ष्कर्षमा पुगेको छ ।