२०८३, कार्तिक २० गते
- यो साता चर्चामा :
काठमाडौं । सत्तारुढ नेपाल कम्युनिस्ट पार्टी (नेकपा)को स्थायी कमिटी बैठक शोक प्रस्ताव पारित गर्दै सकिएको छ । पूर्वसांसदसमेत रहेका केन्द्रीय सदस्य कमानसिंह लामाको निधनमा शोक प्रस्ताव पारित गर्दै बैठक सकिएको हो ।
कार्यकारी अध्यक्ष पुष्पकमल दाहाल प्रचण्डले लामाको निधन पछि पार्टी प्रवक्ता नारायणकाजी श्रेष्ठ प्रकाशसँग गासिएर आएको विषयमा बैठकमा ब्रिफिङ गरेको स्रोतले जनाएको छ ।
‘कमरेड प्रकाशले कमानससिंहजी हाइड्रो पावरको सेयरका विषयमा समन्वय मात्रै गर्नुभएको हो’ प्रचण्डको भनाइ उदृत गर्दै स्रोतले भन्यो ।
आजको बैठकमा अध्यक्षसमेत रहेका प्रधानमन्त्री केपी शर्मा ओली पनि सहभागी हुनुहुन्थ्यो । ओली सहभागि हुने भएरै आजको बैठक बालुवाटार सारिएको स्रोतले जनाएको छ ।
केन्द्रीय सदस्य लामाको गत मंसिर २४ गते राति कोरोना भाइरस संक्रमणबाट मृत्यु भएको थियो ।
संसद र पार्टी कमिटीहरुमा हुँदै आएको प्रचलनअनुसार आजको बैठक शोक प्रस्ताव पारित भएसँगै स्थगित भएको हो । स्थायी कमिटीको अर्को बैठक पुस १ गते बस्ने नेकपाले जनाएको छ ।
