एजेन्सी । बेलायतले कोरोना भाइरस (कोभिड–१९)विरुद्धको सार्वजनिक खोप कार्यक्रम सुरु गरेको छ । आज एक वृद्ध महिलालाई खोप दिँदै कार्यक्रम सुरु गरिएको हो ।

कार्यक्रमको सुरुवातमा उत्तरी आयरल्याण्डकी ९० वर्षीया महिलालाई पहिलो कोरोना खोप दिइएको छ । उक्त खोप मार्गरेट किनानले पाएकी हुन् । कोरोना खोप लगाउन पाउँदा आफूलाई निकै खुसी लागेको उनले बताएकी छिन् ।

बेलायतले कोरोना खोप सबैभन्दा पहिला ८० वर्षभन्दा बढी उमेरका सर्वसाधारण र स्वास्थ्य तथा स्याहार केन्द्रमा काम गर्ने कर्मचारीलाई प्रदान गरिने बताएको छ ।