काठमाडौँ । संसद चल्ने भएपछि नेकपा स्थायी कमिटी बैठक आजका लागि सकिएको छ । आजको बैठकमा पाँच जना नेताहरुले मात्रै धारणा राखेका छन् । संसदमा जानुपर्ने भएकाले आज बैठक छोटो समयका लागि मात्रै बसेको नेताहरुले बताएका छन् ।

आजको बैठकमा आआफ्नो धारणा राख्ने नेताहरुमा नन्द प्रसाईँ, पेशल खतिवडा, लिलामिण पोखरेल, योगेश भट्टराई र मातृका यादव रहनुभएको छ ।

उहाँहरुले पनि सरकारको आलोचना गर्दै प्रधानमन्त्री ओलीले पार्टीको निर्णय विपरित काम गर्दा सरकार र पार्टीका काम प्रभावकारी हुन नसकेको बताएका थिए । आजको संसदमा पनि प्रधानमन्त्री आलोचना हुने भएको छ ।