काठमाडौं । सत्तारुढ नेपाल कम्युष्टि पार्टी (नेकपा)को आन्तरिक विवादले थप जटिल मोड लिइरहेका बेला काठमाडौं उपत्यकामा प्रधानमन्त्री तथा पार्टी अध्यक्ष केपी शर्मा ओलीको समर्थनमा प्रदर्शन भएको छ ।

नेकपामा प्रधानमन्त्री र पार्टी अध्यक्षबाट ओलीले राजीनामा दिनुपर्ने माग भइरहेका बेला ओलीका समर्थकले सडकमा प्रदर्शन गरिरहेका छन् । बुधबार (आज) कोटेश्वर, चाबहिल, गंगबु, कलंकी, असन (इन्द्रचोक) र लगनेखलमा प्रदर्शन भएको हो ।

प्रदर्शनमा सहभागीहरुले ‘भारतीय दलाल होसियार’, ‘आई एम विथ केपी ओली’ जस्ता नारा लगाएका थिए । केहीदिन अघि ओली आफैले आफ्नो पक्षमा देशव्यापी आन्दोलन चर्काउन युवाहरुलाई भन्नुभएको थियो ।