डोटी । प्रतिनिधिसभा निर्वाचनको मिति नजिकिँदै गर्दा सुदूरपश्चिमको ऐतिहासिक जिल्ला डोटीमा चुनावी सरगर्मी उत्कर्षमा पुगेको छ । यसै क्रममा नेपाली कांग्रेसका उम्मेदवार भरत खड्काको पक्षमा बलियो जनलहर देखिएको छ । डोटीको विकास र ऐतिहासिक गरिमालाई पुनस्र्थापित गर्ने एजेन्डासहित चुनावी मैदानमा उत्रिएका खड्काप्रति डोटेली जनताको आकर्षण दिनप्रतिदिन बढ्दै गएको हो ।

ऐतिहासिक ‘डोटी गौडा’को पहिचान जोगाउने अठोट
चुनावी अभियानका क्रममा गाउँबस्ती पुग्नुभएका नेता खड्काले डोटीको ऐतिहासिक विरासतलाई आफ्नो मुख्य एजेन्डा बनाउनुभएको छ । बाइसे–चौबिसे राज्यकालको शक्तिशाली ‘डोटी गौडा’ र हिजोको क्षेत्रीय सदरमुकामको पहिचान संकटमा परेको भन्दै उहाँले डोटीको गुमेको साख फर्काउने उद्घोष गर्नुभएको छ । ‘डोटी कसैले हेप्न सक्ने जिल्ला होइन, यसको आफ्नै ओज र गौरव छ । म डोटीलाई पुनः शक्ति र सम्पन्नताको केन्द्र बनाउन लड्नेछु,’ खड्काले भन्नुभयो ।

जनताको सुख–दुःखमा भिजेका नेता
भरत खड्का डोटीका लागि नयाँ नाम होइनन् । उनी यहाँको माटो, भूगोल र जनताको भावनासँग लामो समयदेखि एकाकार भएका नेता हुन् । अन्य उम्मेदवारहरू चुनावका बेला मात्रै गाउँ पस्ने गरेको गुनासो गरिरहेका मतदाताहरू खड्कालाई भने ‘आफ्नै सुख–दुःखको साथी’का रूपमा लिन्छन् । लामो समयदेखि डोटेली जनताको सेवामा समर्पित रहेकाले पनि आगामी फागुन २१ गते हुने निर्वाचनमा उहाँको पक्षमा माहोल निकै सकारात्मक बनेको स्थानीयको विश्लेषण छ ।

शिक्षा, स्वास्थ्य र रोजगारीको स्पष्ट खाका
खड्काले केवल राजनीतिक भाषण मात्र होइन, डोटीको समृद्धिका लागि स्पष्ट खाका समेत प्रस्तुत गर्नुभएको छ । उहाँले जिल्लाको शिक्षामा सुधार, गुणस्तरीय स्वास्थ्य सेवाको पहुँच र स्थानीयस्तरमै रोजगारी सिर्जना गर्ने बाचा गर्नुभएको छ । ‘डोटेली युवाहरूले कामका लागि मुग्लान भासिनुपर्ने र सामान्य उपचारका लागि तराई झर्नुपर्ने बाध्यताको अन्त्य नै मेरो पहिलो प्राथमिकता हो,’ खड्काले चुनावी सभाहरूमा भन्दै आउनुभएको छ ।

कांग्रेसी किल्ला बलियो बनाउँदै
जिल्लाका विभिन्न ठाउँमा आयोजित कार्यक्रमहरूमा खड्काको उपस्थितिले सिंगो नेपाली कांग्रेसलाई एकढिक्का बनाएको छ । असन्तुष्ट पक्षहरूलाई समेत समेट्दै खड्काले जिल्लालाई ‘कांग्रेसी किल्ला’ बनाउने दाबी गर्नुभएको छ । उहाँको जुझारु नेतृत्व र विकासप्रेमी छविका कारण अन्य दलका कार्यकर्ताहरू समेत खड्काको अभियानमा जोडिने क्रम बढेको छ ।

जितको सुनिश्चिततातिर डोटेली जनता
डोटीका कुना–कन्दरामा पुग्दा खड्काको पक्षमा देखिएको उत्साहले उहाँको जितको आधार बलियो बनाएको देखिन्छ । ‘हामीलाई काम गर्ने र हाम्रै समस्या बुझ्ने नेता चाहिएको हो, जुन भरत खड्कामा छ,’ एक स्थानीय मतदाताले भने । डोटीको समृद्धिको सपना बोकेर हिँडेका खड्काका लागि फागुन २१ को निर्वाचन एउटा अवसर र चुनौती दुवै हो, जसमा उनी सफलताको निकै नजिक देखिन्छन् ।

डोटीको स्वाभिमान जोगाउन र जिल्लाको चौतर्फी विकासका लागि भरत खड्काको उम्मेदवारी यतिबेला डोटेली जनताको आशाको केन्द्र बनेको छ ।