काठमाडौं । अख्तियार दुरुपयोग अनुसन्धान आयोगले भ्रष्टाचारसम्बन्धी ट्रान्सपरेन्सी इन्टरनेसनलको एसिया प्रतिवेदनमाथि सत्यता नभएको बताएको छ । यसअघि सरकारले पनि उक्त प्रतिवेदन आधारहीन भएको भन्दै प्रतिवाद गरेको थियो ।

ट्रान्सपरेन्सी इन्टरनेसनलले एसियामा सबैभन्दा बढी भ्रष्टाचार हुने मुलुकको पहिलो सूचीमा नेपाल रहेको प्रतिवदेन सार्वजनिक गरेपछि सरकार र भ्रष्टाचार नियामक निकाय अख्तियार दुरुपयोग अनुसन्धान आयोग यसको विरुद्धमा उत्रिएका छन् ।

भ्रष्टाचार नियन्त्रणका लागि निरन्तर सक्रियताका साथ काम गरिरहेको दाबी गर्दै सरकारले त्यसमा कुनै अवरोध नगरेको अख्तिारका प्रवक्ता तारानाथ अधिकारीले बताउनुभयो । भ्रष्टाचार समृद्धिको बाधक भएकाले देशलाई भ्रष्टाचारमुक्त पार्नु आवश्यक रहेको अख्तियारको भनाइ छ ।

नेपाल अति भ्रष्ट मुलुकमा पर्छ भन्नु नै आग्रहपूर्ण भन्दै प्रवक्ता अधिकारीले जननिर्वाचित सरकार र लोकतान्त्रिक पद्धतिबाट चलेको मुलुकमा त्यसै पनि भ्रष्टाचार कम हुने जिकिर गर्नुभयो ।

ट्रान्सपरेन्सी इन्टरनेसनलले भनेजस्तो सरकारले अवरोध ग¥यो वा प्रभावमा पा¥यो भन्ने कुरामा सत्यता नरहेको उहँको दाबी छ । एउटा आईएनजीओ वा एनजीओले पाँच सय/हजार मानिससँग सोधेर तयार पारको प्रतिवदेन अर्थहीन हुने अख्तियारको प्रतिक्रिया छ ।