काठमाण्डौ । नेपाली कांग्रेसको विशेष महाधिवेशनको माग गर्ने पक्षले विशेष सभा आयोजना गर्ने भएको छ। २०८२ मंसिर १० गते बिहान ९ बजे काठमाण्डौको राष्ट्रिय सभागृह, प्रदर्शनी मार्गमा सभाको आयोजना गरिएको छ । कांग्रेसको विशेष महाधिवेशन पक्षधरको विशेष भेला, आफै महाधिवेशनको तयारी गर्ने लगायतका विषयमा केन्द्रित रहने नेता डिल्ली सुवेदीले जानकारी दिनुभयो ।

कार्यक्रममा पार्टीका कृष्ण रिजाल, युवराज पाण्डे, मनोजमणि आचार्य लगाएतको सहभागिता रहने जनाइएको छ । सभामा महाधिवेशनसँग सम्बन्धित महत्वपूर्ण विषयहरूमा छलफल तथा आवश्यक निर्णयहरू हुने बताइएको छ।