काठमाडौं । नेप्लिज डायस्पोराका प्रधान सम्पादक सतीश चापागाई एनआरएनए अमेरिकाको सल्लाहकारमा नियुक्त भएका छन् ।

नेपालमा पाल्पा र अमेरिकामा बाल्टीमोरमा घर भएका पत्रकार चापागाईले नेपालमा रहेर पनि लामो समय पत्रकारिता गरेका थिए भने अमेरिका गएपछि पनि पत्रकारितालाई निरन्तरता दिदै आएका छन् । उनी यसअघि एनआरएनए अमेरिकामा दुई पटक मिडिया कोअर्टिनेटर भएर काम गरिसकेका छन् ।

एनआरएनए अमेरिकाले प्रमुख संरक्षकमा पूर्व अध्यक्ष सूनील कुमार साहलाई मनोनित गरेको छ। साथै, संरक्षक परिषद, सल्लाहकार समिति र मानार्थ परिषदको पनि मनोनयन गरेको एनआरएनए अमेरिकाले जनाएको छ ।