काठमाडौं। प्रतिनिधि सभाका सभामुख देवराज घिमिरे र राष्ट्रिय स्वतन्त्र पार्टी(रास्वपा)का सभापति रवि लामिछानेबिच भेटवार्ता भएको छ।

सहकारी ठगी प्रकरणमा मुद्दा खेपेका रविको संसद पद निलम्बनमा छ। सोहीको फुकुवाका लागि उनी आज मंगलबार बिहान सभामुख घिमिरेलाई भेट्न सिंहदरबार पुग्नुभएको हो ।

सोमबारमात्र पार्टीको जिम्मेवारीमा फर्किउनुभएका रविले आफूमाथि प्रतिशोध साधिएको बताउने गर्नुभएको छ। आफू एक्लो भएको र प्रतिशोधका लागि आफूमाथि खनिएको उहाँको आरोप छ।

बैठकबाट बाहिरिने क्रममा सञ्चारकर्मीसँग कुराकानी गर्दै उहाँले तीनकुने घटना जस्ता समयसामायिक विषयमा बोल्नका लागि आफूले उपयुक्त समय कुरेको बताउँदै अब भने बोल्ने बताउनुभएको छ।