काठमाडौं । सञ्चार तथा सूचना, प्रविधिमन्त्री पृथ्वीसुब्बा गुरुङले सरकारले नेपाललाई असफल राष्ट्र हुनबाट जोगाएको दाबी गर्नुभएको छ ।

विज्ञापन प्रवद्र्धनमा विज्ञापन एजेन्सीको भूमिका सम्बन्धी क्षमता विकास कार्यक्रमलाई आज काठमाडौंमा सम्बोधन गर्दै उहाँले यस्तो बताउनुभएको हो । चाहेअनुसारको वाञ्छित सफलता हासिल गर्न नसके पनि देशलाई श्रीलंका हुनबाट जोगाइएको दाबी गर्नुभयो ।

अर्थतन्त्रको समस्या सुधार गर्न सरकार लागिपरेको भएपनि वाञ्छित सफलता हासिल गर्न नसकिरहेको बताउँदै उहाँले सुशासन र सार्वजनिक सेवा प्रभावकारीको विषय नै पहिलो समस्या रहेको बताउनुभयो । पुँजीगत खर्च गर्न नसक्नुको मुख्य कारणमध्ये सुशासन कायम हुन नसक्नु भएको बताउँदै उहाँले सबै समस्याको समाधानमा सरकारले काम गरिरहेको बताउनुभयो । बढ्दै गएको अर्थतन्त्रको समस्या सुधार्नका लागि पनि सरकारले काम गरिरहेको उहाँको दाबी छ ।