काठमाडौं । उपप्रधान एवं सहरी विकासमन्त्री प्रकाशमान सिंहले गतिविधि सुधार गरेर सहकारी संस्थाहरूले आफूलाई राम्रो प्रमाणित गर्नुपर्ने बताउनुभएको छ । आज काठमाडौंमा आयोजित जनपयोगी बचत तथा ऋण सहकारी संस्था लिमिटेडको १५औँ वार्षिक साधारण सभा सम्बोधन गर्दै उहाँले तीन खम्बे अर्थनीतिअन्तर्गत रहेको सहकारीप्रति नागरिकमा नकारात्मक भाव रहेको बताउनुभएको हो ।

सहकारीको सिद्धान्त र मर्मविपरीत जाँदा सहकारी संस्थामा समस्या देखिएको उपप्रधानमन्त्री सिंहको भनाइ थियो । फरक सन्दर्भमा उनले राजनीतिक स्थायित्व, स्थिरता र सरकारको महत्व बुझाउनका लागि वर्तमान सरकार बनेको बताउँदै कमजोरी पहिचान गर्दै सुधार गर्नेतर्फ सरकार अघि बढेको जानकारी दिनुभयो ।