काठमाडौं । नेपाली कांग्रेसका नेता डा. शेखर कोइरालाले राष्ट्रिय स्वतन्त्र पार्टीका सभापति रवि लामिछानेले सहकारीको रकम ठगी गरेको दाबी गर्नुभएको छ । विभिन्न सहकारीमा लामिछानेले बचतकर्ताको रकम हिनामिना गरेको बताउादै नेता कोइरालाले लामिछानेले सजाय पाउनुपर्ने बताउनुभयो ।

आज प्रजातन्त्र सेनानी सङ्घका प्रतिनिधिहरूको सम्मानमा आयोजित चियापान समारोहलाई सम्बोधन गर्दै उहाँले रास्वपा सभापति लामिछानेले सहकारीको रकम ठगेको कुरामा कुनै शङ्का नरहेकाले कानुनअनुसार सजाय पाउनुपर्ने बताउनुभएको हो । तर सभापति लामिछानेमाथि भएको मानव अधिकार उल्लङ्घनबारे सरकार पन्छिन नमिल्ने उहाँको भनाई छ ।

मानव अधिकारका कुरा नबुझ्नेहरू कांग्रेसी नहुने गर्दै उहाँले सहकारीको रकम हिनामिना गरेको प्रकरणमा केही समय अघि सभापति लामिछानेलाई रातारात पोखरा पु¥याइएको घटनाप्रति आपत्ति जनाउँनुभएको छ । सुरक्षा चुनौती देखाएर सरकारले मानव अधिकारको उल्लङ्घन गरेको नेता डा. कोइरालाले बताउनुभयो ।

यस्तै सांसद कोइरालाले अहिले नेपाली कांग्रेस कमजोर भएको दाबी गर्दै अधिवेशनको टुङ्गो नलागेकोप्रति आपत्ति जनाउँदै समयमा नै अधिवेशन गर्न सामाजिक सञ्जालबाट दबाब दिन आफू निकट नेता÷कार्यकर्तालाई आग्रह गर्नुभएको छ ।