काठमाडौं । ताप्लेजुङमा पाथीभरा केबलकार विवादमा आन्दोलनरत पक्ष र गृहमन्त्री रमेश लेखकबीच वार्ता हुने भएको छ। सोमबार साँझ ६ बजे मन्त्रालयमा मन्त्री लेखक र आन्दोलनरत पक्षबीच छलफल हुने नेकपा एमालेका सांसद योगेश भट्टराईले जानकारी दिनुभयो । सांसद भट्टराईले आज आन्दोलनरत पक्षसँग संवाद गरेको पनि बताउनु भएको छ ।
‘आज बिहान १० बजेदेखि अपरान्ह १२ बजेसम्म निर्माणाधीन पाथिभरा केवलकारका बारेमा आन्दोलनरत पक्षका प्रतिनिधिसँग सौहार्दपूर्ण संवाद गरियो। उहाँहरूका कुरा सुने। मेरा कुरा भनेँ,’ भट्टराईले सामाजिक सञ्जालमा लेख्नुभएको छ ।
‘गृहमन्त्री समक्ष भेटेर आफ्ना कुरा राख्न चाहनु भएको र त्यसको समन्वयका लागि मलाई अनुरोध गर्नुभए अनुरूप गृह मन्त्रीलाई अनुरोध गरे,’ भट्टराईले भन्नुभयो ।