काठमाडौं । साताको चौथौं कारोबार दिन नेपाल स्टक एक्सचेञ्ज नेप्से झिनो अंकले बढेको छ । आज नेप्से १ दशमलव ८३ अंकले बढेर २ हजार ५९५ दशमलव ९६ विन्दुमा रोकिएको छ । नेप्से झिनो अंकले बढ्दा ५ अर्ब ८२ करोड ४९ लाख रुपैयाँ बराबरको १ करोड ७ लाख ४५ हजार ४२७ कित्ता सेयर कारोबार भएको छ ।
आज १२४ वटा कम्पनीको सेयर मूल्य बढेको छ भने १०८ वटा कम्पनीको सेयर मूल्य घटेको छ । १० वटा कम्पनीको सेयर मूल्य भने स्थिर हरेको छ । दिनभरमा २९९ वटा कम्पनी कारोबारमा आउँदा ६३ हजार ३७४ पटक सेयर किनबेच भएको छ।
यस्तै २ वटा कम्पनीको मूल्यमा सकारात्मक सर्किट लागेको छ भने २ कम्पनीको सेयर मूल्य नकारात्मक सर्किट लागेको छ । १३ वटा समूहमध्ये आज ७ वटा समूह बढेको छ भने ६ वटा समूह घटेको छ । बसैभन्दा बढी हाइड्रोपावर समूह १ दशमलव ७६ प्रतिशतले बढेको छ भने सबैभन्दा कम ट्रेडिङ समूह शून्य दशमलव ०१ प्रतिशतले बढेको छ ।
आज सबैभन्दा बढी फाइनान्स समूह ३ दशमलव ४८ प्रतिशतले घटेको छ भने सबैभन्दा कम लगानी समूह शून्य दशमलव ०७ प्रतिशतले घटेको छ ।
