काठमाडौँ । नेकपा माओवादी केन्द्रको केन्द्रीय समिति बैठकले १६ समसामयिक प्रस्ताव पारित गरेको छ। तीन दिनसम्म चलेको केन्द्रीय कमिटी बैठक १६ वटा प्रस्ताव पारित गर्दै समापन भएको हो ।

पार्टी प्रवक्ता अग्निप्रसाद सापकोटाले बैठकले जनतासँग माओवादी अभियान चलाउने निर्णय गरिएको बताउनु भयो । अभियानको ६ महिनापछि महाधिवेशनको कार्यक्रमसहित अघि बढ्ने निर्णय भएको उहाँको भनाइ छ ।

बैठकले संसद्लाई छलेर अध्यादेशमार्फत राज्य सञ्चालन गर्ने र देशलाई दुई दलीय तानाशाहीतर्फ लैजान खोज्ने सरकारको निरङ्कुश प्रवृत्तिको विरोध गरेको छ। तत्काल संघीय संसद् र प्रदेशसभाहरूको हिउँदे अधिवेशन आव्हान गर्न सरकारसँग माग पनि गरेको छ ।