काठमाडौँ। सहकारी ठगी प्रकरणमा पक्राउ परेका राष्ट्रिय स्वतन्त्र पार्टी रास्वपाका सभापति रवि लामिछानेलाई थप ४ दिन हिरासतमा राख्न अदालतले अनुमति दिएको छ ।

पोखराको सूर्यदर्शन सहकारीको रकम अपचलनमा संलग्न आरोपमा गत कात्तिक २ गते पक्राउ परेका पूर्व गृहमन्त्रीसमेत रहेका लामिछानेलाई थप ४ दिन हिरासतमा राख्न प्रहरीले अनुमति मागेको थियो ।

प्रहरीले हिजो सोमबार उनीविरुद्धको अनुसन्धान प्रतिवेदन बुझाएको थियो । सरकारी वकिल कार्यालयले पुस ५ मा उनीविरुद्ध अदालतमा अभियोजन गर्दै छ ।

अभियोजन गर्नुअघि गैरकानुनी थुनामा राख्न नमिल्ने हुनाले उनलाई हिरासतमा राख्न प्रहरीले अदालतको अनुमति लिएको हो। सूर्यदर्शनको रकम अपचलनमा संलग्न आरोपमा रवीसँगै पूर्व डीआईजी छविलाल जोशीसहित ५ जना हाल थुनामा छन् ।