काठमाडौं। राष्ट्रपति रामचन्द्र पौडेल अस्पताल भर्ना हुनुभएको छ। प्रोस्टेटसम्बन्धी उपचारका लागि त्रिभुवन विश्वविद्यालय, शिक्षण अस्पताल महाराजगञ्जमा भर्ना हुनुभएको हो ।

अस्पतालका निमित्त कार्यकारी निर्देशक प्राध्यापक डाक्टर घनश्याम गुरुङका अनुसार राष्ट्रपतिलाई आज बिहान उपचारार्थ भर्ना गरिएको हो ।

आज अस्पताल भर्ना गरिएका उहाँको प्रोस्टेटसम्बन्धी आधुनिक प्रविधिबाट शल्यक्रिया सम्पन्न भएको गुरुङद्वारा जारी विज्ञप्तिमा उल्लेख गरिएको छ । हाल उनको अवस्था सामान्य रहेको अस्पतालले जनाएको छ ।