२०८३, श्रावण १५ गते
- यो साता चर्चामा :
काठमाडौं। प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच आज भेटघाट हुने भएको छ। प्रधानमन्त्रीको सरकारी निवास बालुवाटारमा दिउँसो साढे चार बजे छलफल हुन लागेको स्रोतले जनाएको हो।
आज नै साँझ ६ बजे मन्त्रिपरिषद्को बैठक पनि बस्दै छ । त्यसअघि नै ओली र देउवा शीर्ष नेताहरूसहित बस्न लागेको बुढानीलकण्ठनिकट स्रोतले जानकारी दियो। प्रधानमन्त्रीको भ्रमण, मन्त्रिपरिषदमा हेरफेर लगायतका विषयमा छलफल गर्न पछिल्लो समय देउवा–ओली भेटघाट बाक्लिएको छ ।
आफ्नो भ्रमण र मन्त्रिपरिषद् हेरफेर लगायतका विषयमा कांग्रेसलाई विश्वासमा लिन प्रधानमन्त्री ओली आफैले पहल गरेर देउवासँग भेटघाट बढाउनु भएको छ । देउवा–ओलीबीचको छलफलपछि नै मन्त्रिपरिषद् बैठकले भ्रमण लगायतका विषयमा निर्णय लिने बताइएको छ ।
