२०८३, कार्तिक २० गते
- यो साता चर्चामा :
काठमाडौं । नेपाल सरकारका पूर्व भूमिसुधार तथा व्यवस्था मन्त्री भीमप्रसाद गौतमको निधन भएको छ । तनहुँको बन्दीपुर गाउँपालिका–१ पिप्ले निवासी गौतमको आज बिहान साढे २ बे आफ्नै घरमा निधन भएको हो ।
जनता समाजवादी पार्टीका केन्द्रीय सल्लाहकारसमेत रहेका गौतम विगत १५ दिनदेखि अस्वस्थ हुनुहुन्थ्यो । अस्पतालमा निमोनियाको उपचार गराएपछि उहाँले घरमै आराम गर्दै आउनुभएको थियो ।
पूर्व भूमिसुधारमन्त्री, संविधानसभा सदस्य र तनहुँ जिल्लाको कम्युनिष्ट आन्दोलनका अगुवा गौतमको निधनले सिंगो तनहुँवासीलाई स्तब्ध बनाएको बन्दिपुर गाउँपालिका वडा नं. १ का वडा अध्यक्ष भानुभक्त पोखरेलले बताउनुभयो ।
गौतमको अन्त्येष्टि देवघाटमा गरिने परिवारिक स्रोतले जनाएको छ ।
