काठमाडौं । सुनको मूल्य आज फेरि बढेको छ । प्रति तोला हिजो एकैदिन तीन हजारभन्दा बढीले घटेको सुनको मूल्य आज फेरि बढेको हो । आज तोलामा एक सय रुपैयाँले बढेर ९४ हजार नौ सय पुगेको सुनचाँदी व्यवसायी महासंघले जनाएको छ ।

महासंघका अनुसार आज सुन तोलाको ९४ हजार नौ सय रुपैयाँमा कारोबार भइरहेको छ । यस्तै, चाँदीको मूल्यमा पनि सामान्य वृद्धि भएको छ ।  पाँच रुपैयाँले बढेर चाँदी तोलाको एक हजार २२० रुपैयाँमा कारोबार भइरहेको छ ।

अमेरिकी चुनावको प्रभाव र विश्वव्यापी महामारीको रुपमा फैलिएको कोरोना भाइरसविरुद्धको खोप बनेको खबरले सुनको मूल्यमा घटबढ भइरहेको महासंघको जनाएको छ ।