काठमाडौं । सत्तारुढ दल नेपाल कम्युनिस्ट पार्टी (नेकपा)का कार्यकारी अध्यक्ष पुष्पकमल दाहाल प्रचण्डले बोलाएको सचिवालयको अनौपचारिक बैठक केहीबेरअघि धुम्बाराहीमा सुरु भएको छ ।

पार्टी केन्द्रीय कार्यालय धुम्बाराहीस्थित अध्यक्ष प्रचण्डको कार्यकक्षमा बसिरहेको बैठकमा वरिष्ठ नेता माधवकुमार नेपाल र झलनाथ खनाल उपाध्यक्ष वामदेव गौतम, प्रवक्ता नारायणकाजी श्रेष्ठ उपस्थित छन् ।

अध्यक्ष तथा प्रधानमन्त्री केपी शर्मा ओली, महासचिव विष्णु पौडेल, ईश्वर पोखरेल र रामबहादुर थापा भने बैठकमा सहभागी छैनन् ।
पार्टी केन्द्रीय कार्यालयबाट दुई अध्यक्ष ओली र प्रचण्डबाहेक सचिवालयका ७ जनालाई बैठकका विषयमा सन्देश पठाइए पनि अध्यक्ष ओलीसहित चार सचिवालयका नेता उपस्थित भएका छैनन् ।

प्रचण्डले अर्का अध्यक्ष ओलीसँग भएको छलफलबारे ‘ब्रिफिङ’ गर्न आज सचिवालयका आफ्ना समूहका सदस्यहरुँंग छलफल गर्न लाग्नुभएको स्रोतको भनाइ छ ।