काठमाडौं। नेकपा एमालेले उपाध्यक्ष पदमा गुरु बराललाई मनोनीत गरेको छ। आज बसेको एमाले सचिवालय बैठकले बराललाई रिक्त रहेको उपाध्यक्ष पदमा मनोनयन गरेको महासचिव शङ्कर पोखरेलले जानकारी दिनुभयो।

उपाध्यक्ष सुवासचन्द्र नेम्वाङको निधनपछि एमाले उपाध्यक्ष पद खाली थियो। बरालले बागमती प्रदेश इन्चार्जको जिम्मेवारीसमेत सम्हाल्नु भएको थियो।

त्यस्तै एमालेले दुई जनालाई स्थायी कमिटी सदस्यमा मनोनीत गरेको छ। बैठकले नेता मुकुन्द न्यौपाने र लीलानाथ श्रेष्ठलाई स्थायी कमिटी सदस्य नियुक्त गरेको हो।