काठमाडौं। नेपालका लागि चिनियाँ राजदूत चेन सङले उपप्रधान एवम् सहरी विकासमन्त्री प्रकाशमान सिंहसँग शिष्टाचार भेटवार्ता गर्नुभएको छ । आज सिंहदरबारमा उपप्रधानमन्त्री सिंह र राजदूतसँगबिच भेटवार्ता भएको सचिवालयले जानकारी दिएको छ।

भेटमा चीनका तर्फबाट राजदूत सङले उपप्रधानमन्त्री सिंहलाई बधाईसहित कार्यकाल सफलताको शुभकामना दिनुभयो। नेपाल र चीन बिचमा सहरी विकासको क्षेत्रमा सहकार्यका बारेमा पनि छलफल भएको छ ।

चीनले रुकुम र जाजरकोटमा गत वर्ष गएको भूकम्पपछिको पुनर्निर्माणमा सघाउन तयार रहेको राजदूतले बताउनुभएको थियो । भेटमा उपप्रधानमन्त्री सिंहले दुवै देशबिचको सम्बन्ध विस्तार गर्नुहुँदै नेपाललाई अझै बढी सहयोग गर्न आग्रह गर्नुभयो ।