काठमाडौं। मधेश प्रदेश सरकारमा नेपाली कांग्रेस पनि सहभागी हुने भएको छ। अर्थ मन्त्रालयसहितका ४ मन्त्रालयको नेतृत्व गर्ने गरी कांग्रेस सरकारमा सहभागी हुन लागेको हो। सोही अनुसार कांग्रेसले चार जनालाई मन्त्रिपरिषदमा सहभागी गराउन नामसमेत सिफारिस गरिसकेको छ। 

सिफारिसअनुसार अर्थ मन्त्रीमा सुनिलकुमार यादव, भूमि व्यवस्था, कृषि तथा सहकारी मन्त्रीमा जनार्दन क्षेत्री, ऊर्जा, सिँचाइ खानेपानी मन्त्रीमा शेषनारायण यादव र श्रम तथा यातायात मन्त्रीमा कौशल किशोर रायको नाम सिफारिस गरेर पठाएको छ।

सिफारिस भएर आएका मन्त्री बिहीबार नियुक्त हुनेछन्। आज ५ बजे शपथ ग्रहण गराउने कार्यक्रम तय भएको मुख्यमन्त्री सतीशकुमार सिंहले जानकारी दिनुभयो।