काठमाडौं। प्रधानमन्त्री प्रचण्डले कांग्रेस एमालेमा नैतिकता नै नभएको आरोप लगाउनु भएको छ।आज जारी प्रतिनिधिसभा बैठकमा विश्वासको मत माग्दै उहाँले आँफूले अल्पमतमा परेसँगै नैतिकता देखाएको भन्दै त्यस्तो नैतिकता काँग्रेस एमालेले किन नदेखाएको ? भन्ने प्रश्न गर्नुभयो।

उहाँले भन्नुभयो,‘अल्पमतमा परेपछि विगतमा एमाले नेतृत्वले कस्तो कस्तो र रणनीतिक महत्वका निर्णय गर्नुभयो। त्यो रेकर्ड इतिहासमा सुरक्षित छ त्यो कसैले मेटाएर मेटिँदैन ।’

कांग्रेसको हकमा पनि त्यही लागु हुने उहाँको भनाइ छ। डरले कांग्रेस र एमालेलाई जोडेको भन्दै उहाँले त्यो डर सुशासनको भएको दाबी गर्नुभयो।

उहाँले १७ गतेको सहमतिपछि सरकारलाई धम्क्याउने काम गरेको छ। उहाँले सरकारले कुनै दीर्घकालीन निर्णय नगरेको पनि बताउनुभयो ।