२०८३, श्रावण २० गते
- यो साता चर्चामा :
काठमाडौं। गण्डकी प्रदेशका ऊर्जामन्त्री फणिन्द्र देवकोटा सांसद पदमुक्त हुनु भएको छ । प्रदेश सभाको आज बसेको दोस्रो बैठकमा सभामुख कृष्ण धितालले देवकोटा पदमुक्त भएको जानकारी दिनु भएको हो।
नेपाल समाजवादी पार्टी (नेसपा)का देवकोटाले गोरखा २ (क) मा नेकपा माओवादी केन्द्रको चुनाव चिह्नबाट निर्वाचन लड्नु भएको थियो ।
माओवादी संसदीय दलको ह्वीप उल्लंघन गर्दै २८ जेठमा मुख्यमन्त्री सुरेन्द्रराज पाण्डेलाई विश्वासको मत दिनु भएका देवकोटा भोलिपल्टै ऊर्जामन्त्री बन्नुभएको थियो।
तर माओवादी केन्द्रले ह्वीप उल्लंघनमा कारबाही गर्दै सभामुखलाई पत्र दिएको थियो । यससँगै सांसदसँगै मन्त्री पद पनि गएको छ ।
