काठमाडौं। नेकपा एमालेका महासचिव शंकर पोखरेलले प्रतिपक्षी कांग्रेसले सदनलाई बन्धक बनाएर वर्तमान सत्ता समीकरण भत्काउने चलखेलमा लागेको आरोप लगाउनु भएको छ।

आज झापामा आयोजित दोस्रो बिर्तामोड नगर अधिवेशन उद्घाटन गर्दै पोखरेलले कांग्रेसकै कारण मुलुकमा अहिले राजनीतिक अन्योलको अवस्था सृजना भएको बताउनु भयो।

उहाँले नेपाली कांग्रेसले संसदमा अवरोध सिर्जना गर्ने दुष्प्रयत्नबाट अस्थिरता सिर्जना गरी सरकारमा सहभागी हुने चलखेलमा लागेको जिकिरसमेत गर्नुभयो।

आफू सरकारमा पुग्नका लागि कांग्रेस संसदलाई बन्धक बनाउन लागि परेको भन्दै पोखरेलले संसदको अवरोध नेपालको विकास र समृद्धिका लागि बाधक भएको टिप्पणी गर्नुभयो।