काठमाडौं । सभामुख र दलका प्रमुख सचेतकबीचको छलफल सकिएको छ । सभामुख देवराज घिमिरेको कार्यकक्षमा आइतबार बिहान भएको छलफलमा सरकारको नीति तथा कार्यक्रम र संसदीय छानबिन समितिबारे छलफल भएको थियो ।

छलफलमा कांग्रेसले संसदीय समिति छानबिनको अडान कायमै राखेको थियो । सभामुखसँगको छलफलपछि राप्रपाका प्रमुख सचेतक ज्ञानेन्द्रबहादुर शाहीले गृहमन्त्री रवि लामिछानेले जिबी राईलाई प्रधानमन्त्रीले भगाएको भनेर दिएको अभिव्यक्ति गम्भीर भएको भन्दै अब प्रधानमन्त्रीलाई कारबाही गर्नुपर्ने अवस्था आएको बताउनुभयो ।

शाहीले शनिबार चितवनमा पुगेर सहकारी ठग जिबी राईलाई प्रधानमन्त्रीले भगाएको भनेर बोलेको दाबी समेत गर्नुभयो ।