काठमाडौं। चिकित्सा क्षेत्र सुधारका अभियान्ता प्रा.डा. गोविन्द केसीले २२ औँ अनसन सुरु गर्नुभएको छ। डा. केसीले पशुपति मृगस्थलीमा आज अपरान्ह ४ बजेदेखी प्रधानमन्त्री पुष्पकमल दाहाल प्रचण्डको राजीनामा माग्दै अनसन सुरु गर्नुभएको हो।

केसीले सशस्त्र द्वन्द्वकालका पीडितलाई न्याय र पीडक प्रधानमन्त्री प्रचण्डको तत्काल राजीनामा, सबै नेपालीलाई निःशुल्क औषधि–उपचारको व्यवस्था गर्नुपर्ने लगायतका अन्य माग राख्दै अनसन सुरु गर्नुभएको उहाँको सचिवालयले जनाएको छ।

सचिवालयका अनुसार मृगस्थलीमा आज अपरान्ह ४ बजेदेखी २२ औँ अनसन सुरु गर्नुभएको हो। केसी यसअघि पनि विभिन्न माग र मुद्दामा अनसन बस्दै र तोड्दै आउनु भएको छ।