काठमाडौं। प्रमुख प्रतिपक्षी दल नेपाली कांग्रेसले सरकारले आँफै संसद् पनि चल्न नदिने र संसदीय छानबिन समिति पनि बनाउन नदिने रणनीति लिएको निष्कर्ष निकालेको छ।

आज बसेको पदाधिकारीहरूको बैठकपछि महामन्त्री गगन थापाले संसद्को अवरोध हटाउन सरकार र सभामुख संवेदनशीन नबनेको आरोप लगाउँदै संसदमा उत्पन्न परिस्थितिको जिम्मेवारी सरकारले नै लिनुपर्ने बताउनुभयो।

उहाँले भन्नुभयो,“सरकारले जसरी पनि संसद् पनि चल्न नदिने र संसदीय छानबिन समिति पनि बनाउन नदिन खोजेको निष्कर्ष हामीले निकालेका छौँ ।“ महामन्त्री थापाले आफूहरू सरकारसँग चाहिनेभन्दा बढी लचक भइरहँदा पनि सरकारले बेवास्ता गरेको आरोप लगाउनुभयो।