काठमाडौं। उपनिर्वाचनअन्तर्गत बझाङमा जारी मतगणनामा एमाले र कांग्रेसबीच तीव्र प्रतिस्पर्धा देखिएको छ। पछिल्लो परिणामअनुसार कांग्रेस उम्मेदवार अभिषेक सिंहले ८३ मतको झिनो अंकले अग्रता जोगाउनु भएको छ ।

सिंहले ९ हजार १६७ मत ल्याउँदा एमाले उम्मेदवार दमन भण्डारीले ९ हजार ८४ मत प्राप्त गर्नुभएको छ। अहिलेसम्म माओवादीका उम्मेदवार जनक बुढाले ३ हजार ५३५ र नेकपा एकीकृत समाजवादीका उम्मेदवार दिलबहादुर सिंहले २ हजार ४२७ मत ल्याउनु भएको छ।

हालसम्म जयपृथ्वी नगरपालिका, खप्तड छान्ना, छविसपाथिभेरा, थलारा, सुर्मा र मस्टाको गणना सकिएको छ भने अब साइपाल र तलकोटको गणना हुन बाकी छ । अहिले तलकोटको वडा नम्बर १ को गणना हुँदै छ ।