काठमाडौं। आज इलाम–२ र र बभाङ–१ क मा उपनिर्वाचनअन्र्ततको मतदान शान्तिपूर्ण र उत्साहपूर्ण रुपमा सम्पन्न भएको छ।

निर्वाचन आयोगले दुबै क्षेत्रमा शान्तिपूर्ण रुपमा मतदान सम्पन्न भएपनि ४ मंसिर २०७९ को चुनावमा भन्दा कम मतदान भएको जानकारी दिएको छ ।

आयोगले साँझ जारी गरेको विज्ञप्ति अनुसार इलाम–२ मा ५८ प्रतिशत र बझाङ–१ को प्रदेशसभा निर्वाचन क्षेत्रमा ५० प्रतिशत मतदान भएको छ। यद्यपि निर्वाचन आयोगले मतदानको विवरण आयोगको प्रणालीमा प्रविष्ट गर्ने काम भइरहेको बताएको छ।

यसैबिच, इलाममा इलाम नगरपालिका– ७ स्थित गौतम बुद्ध सभागृहमा राती ११ः०० बजेभित्र मतपेटिका संकलन हुने र रातीबाटै मतगणना सुरु गर्ने आयोगले जनाएको छ।

बझाङमा भने हवाइ मार्गबाट पनि मतपेटिका ढुवानी गर्नुपर्ने भएकाले भोली विहान १० बजेभित्र ढुवानी भइसक्ने र त्यसपछी मतगणना सुरु गर्ने गरी व्यवस्था मिलाइएको आयोगका सहायक प्रवक्ता रामदत्त पाण्डेयले जानकारी दिनुभयो ।

यस्तो छ आयोगले जारी गरेको विज्ञप्तिः