काठमाडौं। नेपाल मजदुर किसान पार्टी (नेमकिपा) सांसद प्रेम सुवालले सत्तारुढ गठबन्धनले सार्वजनिक गरेको साझा संकल्प कागजको खोस्टाजस्तै भएको टिप्पणी गर्नुभएको छ।

आज जारी प्रतिनिधिसभा बैठकमा आगामी आर्थिक वर्षको बजेटको सिद्धान्त र प्राथमिकतामाथिको छलफलमा भाग लिँदै उहाँले यस्तो टिप्पणी गर्नुभएको हो।

सांसद सुवालले ५ दलीय गठबन्धनले हिजो सार्वजनिक गरेको साझा संकल्पमा सरकारी जग्गा व्यक्तिको नाममा गएको खारेज गर्ने, कोशी, गण्डक, महाकाली, माथिल्लो कर्णाली लगायत देशघाती सम्झौता खारेज गर्ने उल्लेख नभएको गुनासो गर्नुभयो।