२०८३, श्रावण २२ गते
- यो साता चर्चामा :
काठमाडौं। राप्रपा नेपालले आज काठमाडौंमा गरेको प्रदर्शनमा तनाब उत्पन्न भएको छ। आज काठमाडौंमा विभिन्न मागसहित अध्यक्ष कमल थापा नेतृत्वमा राप्रपा नेपालले सुरु गरेको दबाबमूलक प्रदर्शनमा झडपकै अवस्था सृजना भएपछी प्रहरीले लाठीचार्ज गरेको छ।
प्रदर्शनका क्रममा सुन्धारामा सवारी आवागमनमा अवरोध भएको भन्दै प्रदर्शनकारीलाई एक लेनमा हिँड्न प्रहरीले आग्रह गरेको थियो । तर, र्याली दुई लेनमै अघि बढेपछि स्थिति असामान्य बनेको हो।
प्रहरीको अग्रह नमोपछी र्यालीमा सहभागी नेता कार्यकर्ता र प्रहरीबीच ठेलमठेल भएको हो। उक्त ठेलमठेल नियन्त्रणमा लिनप्रहरीले लाठीचार्ज गर्ने क्रममा केही घाइते भएको बताइएको छ।
हिन्दूराष्ट्र र राजसंस्था पुनःस्थापना, प्रदेश संरचना खारेज, भ्रष्टाचारको अन्त्यलगायतका मागसहित राप्रपा नेपालले काठमाडौंमा दबाबमूलक कार्यक्रम गरेको हो ।
