काठमाडौं। नेपाली काँग्रेस कर्णाली प्रदेश सरकारबाट बाहिरिएको छ। प्रदेश सरकारमा कांग्रेसबाट बनेका तीन मन्त्रीले आज राजीनामा दिएका हुन्।

केन्द्र सरकारमा प्रधानमन्त्री पुष्पकमल दाहाल प्रचण्डले गठबन्धन फेरेपछि कांग्रेसको तर्फबाट सरकारमा सहभागी रहेका तीन मन्त्रीले राजीनामा दिएका हुन्।

अर्थमा बेदराज सिंह, सामाजिक विकासमा खड्गबहादुर पोख्रेल र उद्योग, पर्यटन, वन तथा वातावरण मन्त्रालयमा कृष्ण कुमार बिसीले मुख्यमन्त्री राजकुमार शर्मासमक्ष राजीनामा बुझाउनु भएको हो।

राजीनामा बुझाउनुअघि तीनै मन्त्रीले आफ्नो कार्यकालमा गरेको कामको प्रगति विवरण पत्रकार सम्मेलन गर्दै सार्वजनिक गरेका थिए। सोही क्रममा प्रदेश सरकारलाई दिएको समर्थन पनि फिर्ता लिएको जानकारी दिइएको थियो ।