२०८३, कार्तिक २४ गते
- यो साता चर्चामा :
काठमाडौं। समाजवादी मोर्चाको संयोजकमा नेकपाका महासचिव नेत्रविक्रम चन्द विप्लव चयन हुनुभएको छ।
आज बसेको मोर्चाको बैठकले पूर्वसहमति अनुसार आलोपालो नेतृत्वको फर्मुला अनुसार नेकपा एकीकृत समाजवादीका अध्यक्ष माधव नेपालपछि विप्लवलाई संयोजक दिइएको हो।
बालुवाटारमा बसेको मोर्चाको बैठकपछि माओवादी केन्द्रका महासचिव देव गुरुङले मोर्चाको संयोजक परिवर्तन गरेर विप्लव बनेको जानकारी दिनुभयो।
उहाँले अहिलेसम्म ५८ जिल्लामा समाजवादी मोर्चाको संयोजन समिति गठन भएको र देशका प्रमुख सहरमा जनपरिचालनको कार्यक्रम आयोजना गरिने निर्णय गरेको पनि बताउनुभयो।
मोर्चामा माओवादी केन्द्र, जनता समाजवादी पार्टी(जसपा), एकिकृत समाजवादी पार्टी, र नेत्रविक्रम चन्द विप्लव नेतृत्वको नेकपा समावेश छन्।
