काठमाडौं। नेकपा एमालेले भौतिक पूर्वाधार तथा यातायातमन्त्री प्रकाश ज्वालालाई तत्काल बर्खास्त गर्न माग गरेको छ ।

इपिएस परीक्षाको विषयमा ललितपुरको बालकुमारीमा दुई युवाको ज्यान जानेगरी भएको घटनामा मन्त्री ज्वाला दोषी देखिएको त्यो विषयमा गठित जाँचबुझ आयोगले नै निष्कर्ष निकालीसकेको भन्दै मन्त्रीलाई बर्खास्त गर्न माग गरेको हो ।

प्रतिनिधिसभाको आइतबारको बैठकमा बोल्दै एमालेका प्रमुख सचेतक महेश बर्तौलाले आयोगले मुख्य दोषी भनेर किटान भएको २८–३० घण्टा बित्दा पनि ज्वाला मन्त्रीमै बहाल रहिरहेको भन्दै आपत्ति जनाउनु भएको छ ।

उहाँले प्रधानमन्त्रीले ज्वालालाई बर्खास्त गरेको सूचना अहिलेसम्म नदिएको भन्दै दोषीले कुनै पनि हालतमा उन्मुक्ति पाउन नहुने बताउनुभयो।