काठमाडौँ । हिजो शनिवारदेखि जारी नेकपा एमालेको संसदीय दलको बैठक आज पनि बस्ने भएको छ । बैठक आज नै समापन हुने एमाले प्रमुख सचेतक पदम गिरीले बताउनुभयो ।

यसअघि हिजो बसेको बैठकमा अध्यक्ष केपी ओलीले सांसदहरूले संसद्मा खेल्नुपर्ने भूमिकाका बारेमा प्रशिक्षण दिनुभएको थियो । आज संसद्मा प्रतिपक्षको हैसियतले कसरी प्रभावकारी भूमिका निर्वाह गर्ने भन्नेबारेमा दलको नेताले ब्रिफिङ गर्ने तयारी छ ।

संसद्को हिउँदे अधिवेशन भोलिदेखि बस्दै छ । यो अधिवेशनमा सङ्घीयता कार्यान्वयन, शान्ति प्रक्रिया लगायत महत्त्वपूर्ण कानुनहरू बनाउने विधेयक अघि बढाउने सरकारको तयारी छ ।