काठमाडौं। प्रतिनिधि सभाको शिक्षा, स्वास्थ्य तथा सूचना प्रविधि समितिले टेरामक्स र एमडीएमएस खरिदका सबै कागजात पेस गर्न निर्देशन दिएको छ। आज बसेको समितिको बैठकले एक साताभित्र यस सम्बन्धी सुरुदेखिका कागजात उपलब्ध गराउन निर्देशन दिएको हो।

समितिले आज सञ्चार मन्त्रालयसँग टेरामक्स र एमडीएमएस खरिदका विषयमा छलफल गरेको थियो। अब कागजात प्राप्त भएपछि समितिले विज्ञहरूसँगसमेत थप छलफल गर्ने तयारी गरेको छ।

उक्त प्रकरणमा स्वास्थ्यमन्त्री मोहनबहादुर बस्नेत, एमाले नेता तथा पूर्वमन्त्री गोकुल बाँस्कोटा, कांग्रेस नेता एवं पूर्वमन्त्री ज्ञानेन्द्रबहादुर कार्की लगाएतको नाम जोडिएको छ ।