काठमाडौं । नेकपा एकीकृत समाजवादीको सचिवालय बैठक सरेको छ। आजका लागि बोलाइएको बैठक भोलि शनिबार बिहान साढे ८ बजे बस्ने गरी स्थगित भएको पार्टी कार्यालय स्रोतले जनाएको छ।
राष्ट्रियसभाको निर्वाचन र विधान संशोधन मस्यौदालगायतका विषयमा छलफल गर्न एकीकृत समाजवादीको बैठक बस्न लागेको हो।
सत्तारुढ कांग्रेस र माओवादी केन्द्रले प्रतिपक्ष एमालेलाई समेत राष्ट्रियसभाका सिटमा भागबन्डा गर्न खोजेपछि अर्को सत्तारुढ दल एकीकृत समाजवादी रुष्ट बनेको छ। बैठकमा त्यस विषयमा पनि छलफल हुने एक नेताले जानकारी दिएका छन्।
