काठमाडौं। नेकपा एमालेका अध्यक्ष केपी शर्मा ओलीमाथि आक्रमणको प्रयास भएको छ। मध्यपहाडी संकल्प यात्राको क्रममा आज धनकुटा पुग्नु भएका अध्यक्ष ओलीमाथी स्थानिय युवाबाट आक्रमणको प्रयास भएको हो ।

भोजपुरबाट धनकुटा प्रवेश गर्ने क्रममा लेगुवा पुग्नु भएका अध्यक्ष ओलीमाथि महालक्ष्मी–५ धनकुटाका महेश राईले आक्रमणको प्रयास गरेका हुन्।

ओलीसहितको टोलीलाई स्वागत गर्न फूलमाला र अविर लिएर लाइनमा बसेका राईले ओलीमाथि आक्रमणको प्रयास गरेका हुन्। राईले आक्रमणको प्रयास गरेलगत्तै एमाले कार्यकर्ताले राईलाई नै कुटपिट गरेका थिए ।

त्यसलगत्तै प्रहरीले उनलाई नियन्त्रणमा लिएको छ। नियन्त्रणमा लिएका राईले किन आक्रमण गरेका हुन् भन्ने बारे भने खुलेको छैन, यस सम्बन्धमा सोधपुछ बाँक िरहेको प्रहरीले जनाएको छ।