काठमाडौं। आन्दोलनरत स्थानीय तहका कर्मचारीसँग वार्ता गर्न सरकारले वार्ता समिति गठन गरेको छ। संघीय ममिला तथा सामान्य प्रशासन मन्त्रालयका सहसचिव कमल भट्टराईको संयोजकत्वमा चार सदस्यीय वार्ता समिति गठन गरिएको स्रोतले जानकारी दिएको छ।

समितिको सदस्यमा मन्त्रालयकै सहसचिव नारायण अर्याल, कानून तथा फैसला कार्यान्वयन शाखा प्रमुख टंक महत, कर्मचारी समायोजन शाखा प्रमुख कमानसिं थापामगर रहनु भएको छ।

आन्दोलनरत् कर्मचारीसँग आज दिउँसो २ बजेबाट वार्ता हुने बताइएको छ। संघीय निजामती विधेयकमा आफूहरूलाई विभेद गरेको भन्दै विविध मागसहित स्थानीय तहका कर्मचारी आन्दोलित छन्।