काठमाडौं । साता कारोबारको पहिलो दिन अर्थात आइतबार शेयर बजार दाहोरो अंकले घटेको छ । आज शेयर बजार ३५ दशमलव ६७ अंकले घटेर १९१९ को विन्दुमा कायम भएको छ ।

शेयर बजारमा गिरावट आएसँगै कारोबार रकममा पनि गिरावट आएको छ । आज शिवम् सिमेन्टको सबैभन्दा बढी रुपैयाँको कारोबार भएको छ । शिवम् सिमेन्टको आज ६ करोड ७० लाख रुपैयाँको शेयर कारोबार भएको छ ।

त्यस्तै, आइतबार रिलायबल नेपाल लाइफको पाँच करोड ५३ लाख रुपैयाँ, नबिल बैंकको पाँच करोड २८ लाख रुपैयाँ, सिटिजन लाइफको चार करोड ५३ लाख र एनआइसी एशिया बैंकको चार करोड ४९ लाख रुपैयाँको शेयर कारोबार भएको छ ।