काठमाडौं । नेपाल कम्युनिष्ट पार्टी (नेकपा) को सचिवालय बैठकमा सरकार पुनःगठनबारे कुनैपनि छलफल भएको छैन ।

मंगलबार साँझ प्रधामनन्त्री निवास बालुवाटारमा बसेको बैठकमा अन्य विषयमा छलफल भए पनि मन्त्रिपरिषद् पुनःगठनबारे छलफल नभएको प्रवक्ता नारायणकाजी श्रेष्ठले जानकारी दिनुभयो ।

पार्टी अध्यक्षसमेत रहेका अध्यक्ष केपी शर्मा ओलीले हिजोआज नै रिक्त रहेका तीन मन्त्रालयमा पार्टीका प्रभावशाली मन्त्रीलाई नियुक्त गर्ने चर्चा नेकपाभित्र भए पनि बैठकमा त्यसबारे कुनै कुरा नउठेको श्रेष्ठले बताउनुभयो ।